عاجل .. معلومات خطيرة بخصوص الأعتداء على اقباط العامرية وتهجيرهم

اُرسلت بواسطة kovartiena أخبار الساحة ، أقباط أونلاين 2/12/2012 11:40:00 PM

بخصوص قرية النهضة فى العامرية لا صحة اطلاقا لما قيل ان الموضوع بسبب شاب مسيحى وفتاة مسلمة بل هى اشاعة روجها حلاق مسلم ضد تاجر مسيحى بهدف ابتزازه ماليا ثم تطور الامر الى تهجير للاقباط هناك وبالفعل بدأ الموضوع لما راح واحد اسمه محمود عبد السلام طعيمة بيشتغل حلاق لواحد اسمه مراد سامى جرجس بيشتغل ترزى وصاحب محل ملابس جاهزة وطلب منه مبلغ خمس الاف جنيه سلفة ولما رفض مراد دفع المبلغ هدده محمود طعيمة بانه هاينشر عنه انه بيصور البنات المسلمات فى غرفة البروفة وبيعرض صورهم على الموبايل وفعلا نفذ تهديده ونشر الاشاعة بناء على الاشاعة فقط وبدون وجود لاى صور قامت المباحث باستدعاء مراد وحبسه بحجة ان يوم الجمعة يمر على خير ويوم الجمعة معداش طبعا على خير رغم حبس مراد وقام شيخ هناك اسمه شعبان وجمع معاه عدد كبير من الناس مايقرب من الفين شخص وتوجهوا لمنزل مراد وهو بيت عيلة اخوات ساكنين كل واحد فى شقة فى نفس العقار وطلبوا منهم يخلو البيت ويمشوا من المنطقة وتم نهب محلاتهم لان كل اخ كان عنده محل فى نفس البيت نبيل اخو مراد عنده محل قطع غيار سيارات وعندهم محل تانى للاقمار الصناعية المحلات تم نهبها بالكامل وتم اضرام النار فيها بعد نهبها بدون تدخل اى حد لنجدة الضحايا وتم الاعتداء على بيوت اقباط اغنياء اخرين كانوا خمس اسر بجانب ثلاث اسر هى اسرة المتهم يعنى 8 اسر تم تهجيرهم من المنطقة تهجير قسرى وده الموقف الحالى مراد مازال محبوس فى سجن الحضرة وال 8 اسر مشردين وتم سرقة كل املاكهم وبيوتهم وفى الجلسات العرفية بزعامة الشيخ السلفى شريف الهوارى تم الاتفاق على تهجير 3 اسر اللى هم اسر مراد واخوته وقالوا للخمس اسر الاخرين لا مانع من عودتكم ولكن ان اردتم العودة عودوا على مسؤليتكم اتابع الموضوع بشكل مباشر من اسرة مراد المتهم ولا احصل على معلوماتى من مصادر وسيطة او من مواقع النت

منقول عن احد اعضاء الفيس بوك

كتبت بواسطة: kovartiena في الساعة 2/12/2012 11:40:00 PM . تحت باب أخبار الساحة , أقباط أونلاين . بإمكانك متابعة الأنباء أولاً بأول بالإشتراك مجانا في خدمة RSS 2.0